A Xunta activará catro servizos directos de autobús entre Rairiz de Veiga e Xinzo de Limia con motivo da celebración da Romaría da Saínza.
Os servizos, correspondentes á liña XG611062 Xinzo de Limia E.A. – A Saínza, estarán operativos desde a tarde do venres 25 de setembro ata a madrugada do luns 28 de setembro.
Durante o venres, sábado e domingo prestaranse dous servizos de ida, en sentido Xinzo de Limia-Rairiz de Veiga, con saídas ás 21.00 e ás 23.00 horas.
Pola súa banda, o sábado, domingo e luns estarán operativos dous servizos de volta, con saída desde A Saínza ás 02.30 e ás 03.30 horas.
Toda a información dos servizos estará dispoñible para a súa consulta nos portais web bus.gal e mobt.gal, así como nas aplicacións para dispositivos móbiles Transporte Público de Galicia e MoBT. Así mesmo, permanece dispoñible o teléfono gratuíto 981 546 100 para a atención á cidadanía.