60 viaxes gratis ao mes. Sen ir a ningún caixeiro. Sen papeleo.
Se tes a tarxeta Xente Nova, MoBT podes aplicar o teu desconto. Viaxas gratis ata a viaxe 60 de cada mes, e se necesitas máis, segues usando o mesmo QR ao prezo MoBT.
Como activo o meu desconto Xente Nova?
En moitos casos xa está activo sen que fixeses nada. Só tes que:
- Rexistrarte en MoBT co teu NIF/NIE exactamente igual que na túa tarxeta Xente Nova, se aínda non o fixeches.
- Xerar QR na pantalla T&R e esperar polo menos unha hora para que se sincronicen os descontos, se aínda non o fixeches.
- Abrir a app → perfil → comprobar que aparece o desconto Xente Nova.
Se xa tiñas a tarxeta Xente Nova antes do 06/08/2026 e o teu NIF/NIE está en regra, o máis probable é que xa o teñas activo en canto te rexistres e sigas os pasos indicados.
Non che aparece o desconto?
Sen problema. Escríbenos a cau-mobt@xunta.gal con:
- Foto do teu NIF/NIE polas dúas caras.
- Foto da túa tarxeta Xente Nova polas dúas caras.
Avisámoste por notificación en canto o teñamos listo. Podes verificalo despois no teu perfil da app.
Por que necesito ter saldo se viaxo gratis?
MoBT necesita que teñas un saldo mínimo para funcionar. Son só dúas condicións:
- Unha primeira recarga para activar o teu QR. Pode ser de só 1 €.
- Manter sempre máis de 0,55 € na túa conta para que o QR sexa válido.
Ese saldo non se toca mentres non superes as 60 viaxes do mes.
Cando si se desconta saldo?
Só nestes dous casos:
- Se superas as 60 viaxes nun mes, a partir da viaxe 61 cóbrase ao prezo MoBT — pero podes seguir viaxando sen problema.
- Se pagas a viaxe a alguén que vai contigo. MoBT permite pasar o teu QR ata 3 veces no mesmo autobús: o primeiro é gratuíto (co teu desconto), os seguintes cóbranse do teu saldo.
MoBT vs. tarxeta Xente Nova física
Con MoBT tes todo o da tarxeta e ademais:
- Non tes que ir ao caixeiro para recargar saldo.
- Se te quedas sen viaxes gratuítas, segues usando o mesmo QR ao prezo MoBT.
- Podes pagar o billete de ata dous acompañantes desde o teu móbil.
- Non necesitas ir a un caixeiro a que che devolvan diñeiro. Simplemente non pagas as viaxes.
Descarga MoBT, rexístrate e comproba que o teu desconto Xente Nova está activo. Se non o está, escríbenos e activámolo.
MoBT vs. QR Xente Nova
MoBT vén substituír á actual App de transporte público de Galicia, e, polo tanto, ao QR Xente Nova.
O QR Xente Nova requiría dispoñer da tarxeta Xente Nova e abonar 2€ (mínimo).
MoBT require manter o QR activo mediante unha recarga inicial de 1€ mínimo e manter un saldo de 0,55€ mínimo para poder mantelo activo.
Con MoBT podes:
- Seguir viaxando co teu QR se superas as 60 viaxes nun mes, sempre que o teu saldo sexa igual ou superior a 0,55€
- Pagar a un acompañante, sempre que o teu saldo sexa suficiente para pagar o seu billete.
- Ver en tempo real onde se atopa o autobús que esperas.
- Elixir entre varias rutas alternativas para realizar a túa viaxe.