Estas dúas paradas inclúense en tres servizos do IES: un servizo cara o IES ás 07,35 horas de Tabeaio e no sentido de volta ás 14,00 horas desde o CIFP Universidade Laboral e os luns pola tarde ás 18,00 horas.
Como consecuencia da ampliación do percorrido, o horario do servizo da mañá cara Cambre e Culleredo axústase ao incremento de duración total da liña, para manter as horas de chegada aos destinos dos usuarios.
Así, o servizo da primeira hora da mañá sairá de Tabeaio ás 07,35 horas de luns a venres. Mentres, os servizos de regreso seguirán saíndo do CIFP Universidade Laboral ás 14,00 horas de luns a venres e ás 18,00 os luns. Ademais, para manter a operativa do servizo, a saída do primeiro autobús do día desde Culleredo adiántase ás 06,40 horas.
A información relativa aos novos servizos estará dispoñible para a súa consulta na páxina web mobt.xunta.gal.